"Милан" ҳужумчиси Гонсало Игуаин қишки трансферлар чоғида клубни тарк этиши мумкинлиги ҳақидаги хабарларга изоҳ берди.
"Миш-мишлар менга босим ўтказмайди. "Милан" мени сотиб олиши учун кўпроқ голлар уришим керак. Бунинг учун хотиржам бўлишим ва диққатимни жамлашим керак. Жамоага ёрдам беришим керак, ана шунда голлар келаверади. Мен ҳақимда миш-мишлар 13 йилдан буён давом этмоқда, уларга таъсир ўтказа олмайман Бунга кўникиб қолганман", - дейди Игуаин.
Эслатиб ўтамиз, "Милан" ўтган ёзда 31 ёшли футболчини "Ювентус"дан 18 млн еврога ижарага олган ва 36 млн евро тўлаб уни тўлиқ сотиб олиши мумкин.
Игуаин А сериянинг ушбу мавсумида 11 та ўйинда 5 та гол урган.
