ПСЖ клуби спорт директори Антеру Энрике ярим ҳимоячи Адриен Рабьонинг шартномани узайтирмагани ҳақида ўз фикрларини билдириб ўтди.
“Биз Рабьонинг маслаҳатчилари билан янги шартнома тузиш бўйича келишувга эришган эдик. Аммо “Марсель” билан ўйиндан сўнг барчаси ўзгариб кетди”, – дейди Энрике.
Эслатиб ўтамиз, Рабьо октябрь ойида “Марсель” билан ўйинда заҳирада қолдирилган эди.
Мураббий Томас Тухель Рабьонинг машғулотга кечикиб келгани ва Килиан Мбаппенинг ўйин олди мажлисида иштирок этмагани сабаб шундай қарор қабул қилган эди.
