«Манчестер Юнайтед» клуби собиқ бош мураббийи Жозе Моуриньо Аргентинада иш бошлаши мумкин. «Бока Хуниорс» жамоаси унинг хизматига қизиқиш билдирмоқда.
Буэнос-Айрес шаҳри клуби спорт директори Николас Бурдиссо «Интер»даги фаолияти давомида португалиялик мутахассис билан бирга ишлаган. Шунингдек, Моуриньо бошқаруви пайтида "Интер"да ўйнаган Эстебан Камбьяссо мураббийга ёрдамчилик қилиши мумкин. «Бока» раҳбарияти Моуриньо билан алоқага чиқишга улгурди.
Моуриньо 18 декабрь куни «МЮ»дан истеъфога чиқарилди. У фаолиятини «Реал»да давом эттириши мумкинлиги ҳақида ОАВда хабар тарқатилди.