«Интер» яримҳимоячиси Ража Наингголан интизомий жазога асосан вақтинча футболдан четлатилди.
«Интер» шуни тасдиқладики, Ража Наингголан интизомий сабабларга кўра футбол фаолияти билан шуғулланишдан вақтинча четлатилди, дейилади клуб баёнотида.
«Нерадзурри» вазиятга тўлиқроқ тўхталиб ўтмаган.
Баъзи манбаларга кўра, Ража бугун эрталабки машғулотларга кечикиб келган. Эндиликда у 26 декабрь куни «Наполи»га қарши кечадиган ўйинни ўтказиб юборади.
Август ойида ОАВ 30 ёшли бельгиялик Монте-Карлодаги казиноларда бир неча маротаба йирик миқдорда пул ютқазиб қўйгани ҳақида хабар қилган.
Наингголан А Сериянинг ушбу мавсумида 11та ўйин ўтказиб, иккита гол муаллифи бўлган.
