«Фиорентина» жамоасининг собиқ аъзоси, 2018 йилнинг 4 мартида меҳмонхонада кутилмаганда вафот этган Давиде Асторининг онаси Анна Астори ҳамон фарзандининг ўлимига нима сабаб бўлганини билолмаяпти.

— Иккита фарзандим бор, шунинг учун менинг вазифам уларга эътибор қаратиш, — дея аёлнинг сўзларини келтиради «Football Italia». — Ҳар эрталаб турмуш ўртоғим билан ибодатхонага борамиз, кейин кунни қандай ўтказишни келишиб оламиз. Аммо танамда бир бўшлиқ бор. Мен ҳеч қачон бундай оғриқни ҳис қилмаганман. Нима бўлганини ҳам билмайман.

Мен ҳеч кимни айбламоқчи эмасман, чунки ишонаман, ўғлимнинг ўлими ҳеч кимга керак бўлмаган. Мен шунчаки сабабини билмоқчиман. Бу — ҳақиқий фожиа, бундай ҳолат яна ким биландир такрорланишини хоҳламайман», деди Анна.