Мюнхеннинг “Бавария”клуби вице-президенти Карл-Хайнц Румменигге келажакда собиқ футболчи Хаби Алонсони мураббий лавозимига олиб келишини айтди.
“Умид қиламан, бир кун келиб Алонсо “Бавария”га қайтади. У ажойиб инсон. Алонсо майдонда генерал эди, унинг гапини ҳар бир футболчи сўзсиз бажарар эди. Хави чиройли узатмаларни амалга оширишга уста ва шунингдек тез фикрлай олар эди”, - дейди Румменигге Kicker нашрига берган интервьюсида.
Эслатиб ўтамиз, 37 ёшли мутахассис “Бавария”да 2014 йилдан бошлаб 2017 йилгача ўйнади. Ҳозирги вақтда, Алонсо “Реал”нинг ёшлар жамоасида бош мураббий бўлиб ишламоқда.
