Мазкур ҳафта Италия футболидаги энг муҳим учрашувлардан бири бўлиб ўтади. Унда “Ювентус” ва “Милан” жамоалари Италия Супер Кубоги учун бахс олиб боришади. Ўйин 16-январь куни соат 22:30да Саудия Арабистонининг Жидда шаҳрида бўлиб ўтади.
Италия Супер Кубоги ўйинлари 1988-йилдан бери ўтказиб келинади ва унда энг кўп “Ювентус” (7та) ва “Милан” (7та) жамоалари зафар қучишган. Бу сафарги ғолиб жамоа мутлоқ рекордчига айланиб олади. Шу сабабли ҳам, ушбу ўйинга бўлган эътибор юқори даражада бўлиб турибди.
Мазкур учрашувни сиз ФУТБОЛ ТВ телеканали орқали жонли эфирда кузатиб боришингиз мумкин.