Англиянинг «Вулверхэмптон» клуби «Рубин» ҳужумчиси Сардор Азмунни ижарага олмоқчи. Бу ҳақда Sky Sports хабар тарқатди.
Манбага кўра, англияликлар 24 ёшли футболчининг ижараси учун 2 миллион евро тўлашга тайёр. Шунингдек, «Вулверхэмптон» кейинчалик унинг трансфер ҳуқуқини 13 миллион еврога сотиб олиш ҳақидаги бандни шартномага киритиши мумкин.
Шунингдек, эронлик футболчига Россиянинг «Зенит» жамоаси ҳам қизиқиш билдирмоқда. Санкт-Петербург клуби «Рубин»га 10 млн евро таклиф қилди.
Сардор Азмун Эрон терма жамоаси сафида Осиё кубогида иштирок этиб, 4та гол урди ва битта голга узатма берди. Эронликлар ярим финалда Японияга 0:3 ҳисобида имкониятни бой бериб, мусобақада 3-ўрин билан чекланди.