Angliyaning «Vulverxempton» klubi «Rubin» hujumchisi Sardor Azmunni ijaraga olmoqchi. Bu haqda Sky Sports xabar tarqatdi.

Manbaga ko‘ra, angliyaliklar 24 yoshli futbolchining ijarasi uchun 2 million yevro to‘lashga tayyor. Shuningdek, «Vulverxempton» keyinchalik uning transfer huquqini 13 million yevroga sotib olish haqidagi bandni shartnomaga kiritishi mumkin.

Shuningdek, eronlik futbolchiga Rossiyaning «Zenit» jamoasi ham qiziqish bildirmoqda. Sankt-Peterburg klubi «Rubin»ga 10 mln yevro taklif qildi.

Sardor Azmun Eron terma jamoasi safida Osiyo kubogida ishtirok etib, 4ta gol urdi va bitta golga uzatma berdi. Eronliklar yarim finalda Yaponiyaga 0:3 hisobida imkoniyatni boy berib, musobaqada 3-o‘rin bilan cheklandi.