“Барселона” ҳужумчиси Лионель Месси “Вальядолид”га қарши ўйинда ўз ҳисобига дублни расмийлаштира олмади.
Учрашувнинг 85-дақиқасида каталонияликларга иккинчи пенальтини уриш ҳуқуқи берилди (биринчи пенальтини Месси 43-дақиқада амалга оширди).
“Барселона” сардори яна бир бор пенальти тепишга қарор қилди лекин, унинг зарбасини Жорди Масип қайтарди. Масип ҳаттоки қайтган тўпни ҳам қайтаришга муваффақ бўлди.
Маълумот ўрнида, аргентиналик футболчи фаолияти давомида 106 та пенальти урган ва шундан 24-тасини уролмаган.
