“Barselona” hujumchisi Lionel Messi “Valyadolid”ga qarshi o‘yinda o‘z hisobiga dublni rasmiylashtira olmadi.
Uchrashuvning 85-daqiqasida kataloniyaliklarga ikkinchi penaltini urish huquqi berildi (birinchi penaltini Messi 43-daqiqada amalga oshirdi).
“Barselona” sardori yana bir bor penalti tepishga qaror qildi lekin, uning zarbasini Jordi Masip qaytardi. Masip hattoki qaytgan to‘pni ham qaytarishga muvaffaq bo‘ldi.
Ma’lumot o‘rnida, argentinalik futbolchi faoliyati davomida 106 ta penalti urgan va shundan 24-tasini urolmagan.
