Бугунги ўйиндан сўнг анчадан бери учрашишнинг иложини топа олмаётган футболчимиз билан кўришишга муваффақ бўлдик. Фурсатдан фойдаланиб мухлисларимизни қизиқтирган саволларга жавоб олишга уриндик.
Авваламбор, ғалаба муборак!
Раҳмат
Ўйин ҳақида фикрингиз?
Рақиб ёмон ўйин кўрсатмади, аммо вазиятлардан фойдалана олмади. Биз эса яратилган имкониятлардан максимал даражада фойдаландик ва охирида ғалаба қозондик.
Эктор Купер қўл остида ўсишга эришдингиз, буни сабаби терма жамоага чақирилганлигингиз билан боғлиқми?
Йўқ! Мен Бабаян қўл остида ҳам терма жамоадан таклиф олган эдим
Тўгри, аммо айнан Купер қўл остида ўйинингизда ўсиш кузатилди Бабаян даврида эмас
(Кулади) Бу гапингиз ҳам тўгри. Менимча Эктор Купер менга ўз кучига ишонишни ўргатди, балки, шу сабаб ўйинларим мухлисларга манзур келаётган бўлса, ажаб эмас.
Бугунги учрашувда жамаодошларингиздан кимнинг ўйинини алоҳида кўрсатган бўлар эдингиз?
Бугун ҳамма яхши ўйнади. Биз жамоавий ўйин эвазига ғалаба қозондик деб ўйлайман.
Саволни бошқача қўяман. Сизга қайси жамоадошингизнинг ўйини кўпроқ ёқди?
(Кулади) Ундай бўлса Анзур Исмоилов бўла қолсин.
Ғалаба билан яна бир бор табриклайман
Раҳмат, ишларингизга ривож
Яҳёхўжа Улиғхўжаев суҳбатлашди.