Bugungi o‘yindan so‘ng anchadan beri uchrashishning ilojini topa olmayotgan futbolchimiz bilan ko‘rishishga muvaffaq bo‘ldik. Fursatdan foydalanib muxlislarimizni qiziqtirgan savollarga javob olishga urindik.
Avvalambor, g‘alaba muborak!
Rahmat
O‘yin haqida fikringiz?
Raqib yomon o‘yin ko‘rsatmadi, ammo vaziyatlardan foydalana olmadi. Biz esa yaratilgan imkoniyatlardan maksimal darajada foydalandik va oxirida g‘alaba qozondik.
Ektor Kuper qo‘l ostida o‘sishga erishdingiz, buni sababi terma jamoaga chaqirilganligingiz bilan bog‘liqmi?
Yo‘q! Men Babayan qo‘l ostida ham terma jamoadan taklif olgan edim
To‘gri, ammo aynan Kuper qo‘l ostida o‘yiningizda o‘sish kuzatildi Babayan davrida emas
(Kuladi) Bu gapingiz ham to‘gri. Menimcha Ektor Kuper menga o‘z kuchiga ishonishni o‘rgatdi, balki, shu sabab o‘yinlarim muxlislarga manzur kelayotgan bo‘lsa, ajab emas.
Bugungi uchrashuvda jamaodoshlaringizdan kimning o‘yinini alohida ko‘rsatgan bo‘lar edingiz?
Bugun hamma yaxshi o‘ynadi. Biz jamoaviy o‘yin evaziga g‘alaba qozondik deb o‘ylayman.
Savolni boshqacha qo‘yaman. Sizga qaysi jamoadoshingizning o‘yini ko‘proq yoqdi?
(Kuladi) Unday bo‘lsa Anzur Ismoilov bo‘la qolsin.
G‘alaba bilan yana bir bor tabriklayman
Rahmat, ishlaringizga rivoj
Yahyoxo‘ja Ulig‘xo‘jayev suhbatlashdi.