Хабарингиз бор, 8 март, жума куни футбол бўйича Ўзбекистон Суперлигасининг 2019 йилги мавсуми старт олади.

CocaCola Суперлига номи остида ўтадиган 2019 йилги мавсумидан бошлаб, ҳар бир тур учрашувларида жамоаларнинг қандай рангдаги либосда майдонга чиқишлари Профессионал футбол лигаси томонидан белгилаб берилади. Бунда мезбон жамоанинг ўз майдонида мухлислари қаршисида тўп суриши инобатга олиниб, биринчи галда мезбон клубнинг асосий рангидаги либосда ҳаракат қилиши аҳамият касб этади.

Шу боисдан ҳар бир клуб янги мавсум учун уй ва сафар либосларини бир-биридан кескин фарқ қиладиган тарзда танлашларига урғу берилди.

9 март, шанба куни 1-тур доирасидан ўрин олган 2 та ўйин бўлиб ўтади. “Динамо” ўз майдонида “Насаф”га қарши баҳс олиб боради. Мезбонлар мазкур ўйинда оқ-оқ-оқ рангли либосларда ҳаракат қилишади. Қаршилик футболчилар эса тўлиқ кўк рангдаги формада майдонга чиқишади. 

Шунингдек, кун доирасидан ўрин олган яна бир беллашувда АГМК “Бухоро” билан тўқнаш келади. Мазкур ўйинни олмалиқликлар тўлиқ оқ рангдаги либосларда ўтказишади. “Бухоро” эса кўк-кўк-кўк рангдаги формада ўйнайди. 

9 март, шанба

16:00 ДИНАМО — НАСАФ 

18:00 АГМК — БУХОРО