Ўзбекистонлик боксчи Исроил Мадримовнинг ватанга қайтадиган куни аниқ бўлди.
Спортчининг Worldnews.uz ахборот агентлигига маълум қилишича, у 19 март куни соат 07:15да Ўзбекистонга қайтиб келади. Боксчи жойлашган самолёт Ислом Каримов номидаги “Тошкент” халқаро аэрапортига қўнади.
Worldnews.uz ходимлари Исроил Мадримов билан 19 мартдан кейин эксклюзив интервью уюштиришни режалаштирганлар.
Боксчи ушбу таклифга рози эканлигини билдириб, студиямизга келиб, бир пиёла чой устида меҳмон бўлишга ваъда берди.
Маълумот ўрнида, Исроил Мадримов 10 март куни АҚШда иккинчи жангини ўтказиб муддатидан олдин ғалаба қозонди.
Венесуэлалик Френк Рохасга қарши рингга чиққан Исроил Мадримов иккинчи раундда рақибини нокаутга учратди.
