«Аякс» клуби ярим ҳимоячиси Френки де Йонг янги мавсумдан бошлаб «Барселона» жамоасида тўп суради. Футболчи бу трансферга розилик билдиришидан олдин ким билан маслаҳатлашганини айтиб ўтди.
«Мен Голландия терма жамоаси бош мураббийи Роналд Кумандан кўп нарса ҳақида сўрайман. Унинг «Барселона» клубидаги ютуқларини кўп эшитганман. Мен унинг шаҳар, кундалик ҳаёт тарзи ва клуб ҳақидаги фикрларини билмоқчи эдим. Бу нарсаларни олдиндан билсанг ўзингни сокинроқ ҳис қиласан.
Ҳа, мен у билан маслаҳатлашдим. Мен бу ишни ҳар терма жамоа йиғинига келганимда амалга оширдим. Уларнинг менга бўлган қизиқиши ҳақида миш-мишлар бўлган эди ва шунинг учун ҳам Роналд Куманнинг бу ҳақидаги фикрни билмоқчи бўлдим.
Куман менга қаерда доимий ўйин амалиёти бўлса, ўша ерга бориш кераклигини айтди. Қаерга эканлиги муҳим эмас, асосийси - ўйнаш», - дейди де Йонг.
