Англия терма жамоаси Евро-2020 саралаш баҳслари доирасида Чехияни йирик 5:0 ҳисобида мағлуб этди.
Бу ўйинда хет-трикка эришган Раҳим Стерлинг иккинчи голини 13 ёшли марҳум футболчига бағишлади.
Стерлинг футболкасини кўтариб, "Кристал Пэлас" академияси тарбияланувчиси бўлган, 13 ёшида оқ қон хасталигидан вафот этган Дамари Докинзнинг суратини кўрсатди.
"Мен бу болакайга ёрдам беришга урингандим. Биз донор топа оламиз деб ўйлагандик, аммо бундай бўлмади. Шунинг учун мен унинг оиласига озгина бўлса-да қувонч улашишга ҳаракат қилдим", деди Стерлинг ўйиндан кейин.
