“Реал”нинг яна бир футболчиси “Ювентус”га ўтиши мумкин.

Corriere dello Sport нашрининг хабар беришича, туринликлар ёзда “Реал” ҳимоячиси Рафаэль Варан билан музокара ўтказмоқчи.

Франциялик футболчининг шартномасида товон пул 500 млн евро этиб белгилаб қўйилган, аммо Варан кўрсатиб қўйилган нарх бўйича сотилмаслиги аниқ. Тушунса бўладики, ушбу келушув оддий бўлмайди.

Аввалроқ, Варан “Реал”дан кетиши мумкинлиги ҳақида айтилган эди. Бироқ, Вараннинг ўзи куни-кеча берган интервьюсида “Реал”да қолиш истаги борлигини билдирди.

Эслатиб ўтамиз, ёзги трансфелар вақтида “Реал” ҳужумчиси Криштиану Роналду “Ювентус”га ўтган эди.