“Интер” ҳужумчиси Мауро Икарди жамоавий машғулотларга қайтди.

26 ёшли футболчи майдон юзини 13 февралдан бери кўрмаётган эди. Ўша куни “нерадзуррилар” аргентиналик футболчини сардорлик боличидан маҳрум қилиб, уни дарвозабон Самир Хандановичга  топширган.

“Интер” Икардисиз 9 та ўйин ўтказди. “Интер” ўзининг расмий баёнотида, Икарди тиззасида жароҳат борлиги сабаб, ўйинларни ва машғулотларни ўтказиб юборди дея хабар берган эди.

Маълумот ўрнида, 31 март куни “А” Серия доирасида “Интер” ўз майдонида “Лацио”ни қабул қилади.