Хабарингиз бор, кеча Суперлиганинг 2-туридан ўрин олган “Бунёдкор” ҳамда “Пахтакор” жамоалари ўртасидаги баҳс бўлиб ўтди. Унда “шерлар” 2:1 ҳисобида зафар қучди.

Ўйиндан кейин матбуот анжумани бўлиб ўтди. Матбуот анжуманида қатнашган сайтимиз мухбири Яҳёхўжа Улуғхўжаев “шерлар” устози Шота Арвеладзега савол билан мурожаат қилди. Шота эса бу саволга жаҳл билан жавоб қайтарди.

- Жавоҳир Сиддиқовни асосий таркибда ўйнашга иммконияти борми?

- Албатта. Нима учун унда қўймаяпман? Сидиқов жамоага қачон келганини биласизми? Жавоҳир Осиё кубогидан кейин жамоа билан умуман шуғулланмаган. Залда индивидуал равишда машғулот олиб борган. Бизга эса ОЧЛ саралаш босқичи ўйинларини ўтказганимиздан сўнг келди. Футболчи ҳам инсон. Уларни ўйинга, янги мавсумга дастур асосида тайёрлаб борилади. Футболчининг мушаклари 90 дақиқа ўйнашга чидамли бўлиши керак.

Мисол учун мен ҳам 10 йил аввал футбол ўйнаганман. Аммо ҳозир майдонга тушиб югуриб кетолмайман.

Жавоҳирни ҳеч ким синдирмоқчи эмас. Шунингдек МТЖ бош мурабббийи Эктор Куперга Сидиқовни терма жамоага чақиргани ва унга ўйин амалиётини тақдим этгани учун раҳмат айтиш керак. Деярли икки ой якка тартибда шуғулланиб юрган футболчини тайёр ҳолатга келтирганимиздан сўнг унга кўпроқ имконият тақдим этилади. Чемпионат эндигина бошланди. Ҳали Суперлига карвони узоқ. Ўртада бироз тўхталиш юзага келди”, -дейди Шота Арвеладзе.