Италия чемпионатининг 34-тури доирасидаги марказий ўйин Миландаги "Жузеппа Меацце" стадионида бўлиб ўтди. "Интер" ва "Ювентус" жамоалари ўртасидаги ўйин дуранг билан якунланди.

Баҳснинг 7-дақиқасида Ража Наингголан ажойиб гол муаллифига айланди. У жарима майдончаси ташқарисида ўзи томон келган тўпни ерга туширмасдан дарвоза томон тепди. Шченсни ушбу зарбани қайтара олмади.

Қолган дақиқаларда ташаббус мезбонлар томонида бўлди, Роналду гол ургунга қадар. Учрашувнинг 62-дақиқасида Криштиану жарима майдончаси чизиғи устида чап оёқда зарба бериб, рақиб дарвозасини ишғол этди.

Ўйин якунига қадар ҳар иккала жамоа ғалабани ўз томонларига оғдиришлари мумкин эди. Улар яна 2тадан голга тортадиган вазиятларга эга бўлишди. Аммо учрашувда бошқа ҳисоб ўзгармади.

"Ювентус" ўтган турдаёқ чемпионликни расмийлаштирган бўлса, "Интер" ўз ҳисобига 1 очкони қўшиб қўйди. Бу очко Спаллети жамоасига мавсумни 3-ўринда якунлаш учун ёрдам бериши мумкин.

Италия А серияси, 34-тур
Интер – Ювентус 1:1 (1:0, 0:1)
Голлар: 1:0 – 7 Наингголан, 1:1 – 62 Роналду.
Интер – Ханданович, Д`Амброзио, де Врей, Шкриньяр, Асамоа, Весино, Брозович, Политано (Жоау Мариу, 80), Наингголан (Валеро, 74), Перишич, Икарди (Мартинес, 82).
Ювентус – Шченсни, Жоау Канселу, Бонуччи, Кьеллини, Алекс Сандро (Спинаццола, 49), Куадрадо, Эмре Жан, Пьянич, Матюиди (Кин, 60), Бернардески (Матеус Перейра, 86), Роналду.
Огоҳлантиришлар: Куадрадо (40), Перишич (44), Кьеллини (45), Кин (90).