Бугун "Локомотив" БАА мамлакатининг Абу Даби шаҳрига йўл олмоқда.
Футболчиларимиз 7 май куни Осиё чемпионлар лигаси 5-тур доирасида "Ал Ваҳда" меҳмони бўлишади. Хабарингиз бор, Тошкентда кечган биринчи ўйинда "темирйўлчилар" бу жамоани 2:0 ҳисобида мағлуб этишганди.
Энди жавоб учрашуви Абу Дабидаги "Zayed Sports City Stadium" ўйингоҳида бўлиб ўтади. Жамоа сафарга отланаётган маҳал "Локомотив" ПФК президенти Раджапов Мансур Кучкарович халқаро аэропортга ташриф буюриб, жамоа аъзоларига омад тилади. Ўйлаймизки, "Локо" футболчилари сафардан ижобий натижа билан қайтишади.
Эслатиб ўтамиз, "Ал Ваҳда" - "Локомотив" учрашуви 7 май куни маҳаллий вақт билан 22:00 (Тошкент вақти билан 23:00)да бошланади.
