"Ювентус" президенти Андреа Аньелли Озарбойжон пойтахтига ташриф буюрди. Туринликлар раҳбари бу ерда "Челси" бош мураббийи Маурицио Сарри билан музокара олиб боришни мақсад қилган.
Сарри ва Аньелли ўртасидаги учрашув бугун эрталаб "Four Seasons" меҳмонхонасида бўлиб ўтди. AS нашри тарқатган хабарга кўра, италиялик мутахассис билан шартнома кейинроқ имзоланади.
Неаполда эса "Наполи" мухлислари Саррининг уйи рўпарасига баннер жойлаштириб, мураббийдан "Ювентус"ни бошқармасликни ва "сотқин"га айланмасликни сўрашган.
"Челси" ва "Арсенал" ўртасидаги Европа лигаси финали 29 май, чоршанба куни Тошкент вақти билан 00:00да бошланади.
