“Барселона” ва “Интер” жамоалари трансфер ойнасида футболчи алмашиши мумкин, дея ёзмоқда Sportmediaset.
Манбанинг хабарига кўра, жамоалар Артуро Видаль ҳамда Ража Наингголан рокировкасини амалга ошириши мумкин. Жамоалар тўлиқ сотиб олиш шарти билан футболчиларни алмашиши мумкин.
Эслатиб ўтамиз, Видаль ўтган мавсум “Барселона” сафида 53та ўйинда 3та гол урган ва 7та голга ассистентлик қилган. Унинг трансфер нархи тахминан 15 миллион еврога баҳоланмоқда.
31 ёшли Наингголан эса 36та ўйинда 7та гол урган ва 3та голга ҳаммуаллифлик қилган. Унинг трансфер нархи 28 миллион еврога баҳоланмоқда.
