Ушбу рукндаги янгиликлар билан таништиришда давом этамиз.
Антуан Гризман «Барселона» билан шартнома имзолайди
«L'E equipe» нашрининг хабар беришича, «Атлетико Мадрид» клуби ҳужумчиси Антуан Гризман «Барселона» клуби билан шартнома борасида келишиб олди. Манбаанинг хабар беришича, 1-июль санасида футболчининг трансфер нархи 120 миллионга тушади ва «Барса» уни харид қилади. Футболчи Католония клуби билан 5 йиллик шартнома имзолайди. Антуаннинг йиллик маоши 17миллионни ташкил этади.
Шу йилнинг май ойида Антуан «Атлетико Мадрид» клубидан кетиши борасида баёнот берган эди. Унинг сўзлари тобора ҳақиқатга айланиб бормоқда. Марка нашри Каталонония сепур клуби Гризманнинг трансфери амалга ошмаслигини таъкидлаётган бўлса, «ЛЪE қуипе» нашри унинг траснферини деярли расман эълон қилди. Қайси нашрнинг маълумоти ишончлироқ эканлигни 1-июль санасида билиб оламиз.
Кристоф Дюгаhри Де Лигтни танқид қилди
Франция терма жамоасининг собиқ футболчиси саналадиган Дюгарри «Аякс» клуби сардорини қаттиқ танқид қилди.
Де Лигтнинг мийясида нималар айланмоқда? 12,13,14,15 миллион евро?! Бу аслида нимани ўзгартира олади? Пул фақат 10 та машинангни 11 та қилиши мумкин, Яшайдиган уйингни 50 квадрат метрга катталаштириши мумкин, ана бор яхтанг 10 метр узунроқ бўлиши мумкин, холос. Ҳаммаси шулар учунми?
У ажойиб футболчи. Мен унинг ўйинларини завқланиб томоша қиламан, бироқ у шундай давом этадиган бўлса ўз келажагини ҳавф оситига қўйиши мумкин. Мен «ПСЖ» клуби директори ва Леонардони уни харид қилиш фикридан қайтгани билан табриклайман. Бу жуда тўғри қилинган иш бўлди – деб интервью берди собиқ футболчи «Daily Maily» нашрига.
Жоа Фелиш Неймардан кейинги ўринга чиқиб олади!
Португалиянинг «Бенфика» клуби футболчиси Жоа Фелиш бир оёғИ билан «Атлетико Мадрид» футболчисига айланди. Томонлар футболчининг трансфер нархи борасида тўлиқ келишиб олишди. Унга кўра «матрасчилар» футболчи учун 126 милион евро тўлашади. Унинг 120 миллиони олдиндан, қолгани эса бонуслар эвазига «Бенфика» клуби ғазнасига бориб тушади! Тез кунларда амалга ошиши кутилаётган трансфер содир бўлса, Фелиш Неймардан кейинги дунёнинг энг қиммат футболчисига айланади.
Бейлнинг кейинги манзили аниқ
“Бугун «Реал Мадрид» клуби хужумчиси Гарет Бейлнинг агенти Джонатан Барнетт «Интер» клуби мутасаддилари билан учрашади”, - деб хабар бермоқда «Soccer.ru» сайти.
Томонлар 30 ёшлик футболчининг кейинги манзили «Интер» бўлиши учун ҳаракатларни бошлаб юборишди. Музокаралардан аввал Бейлнинг агенти ўз мижозини ҳеч қайси клубда ижара асосида тўп сурмаслигини эълон қилган эди. Эндиликда «Интер» Бейлни ижарага олиш вариянтидан воз кечиши шарт! Футболчини қўлга киритишни истаса уни сотиб олиши зарур.
Футболчининг тахминий трансфер қиймати 70 миллион атрофида баҳоланмоқда.
Рабио Роналду билан жамоадош бўлади
«ПСЖ» клуби сафидаги ажойиб ўйинлари билан футбол оламига танилган франциялик футболчи «Ювентус» ўйинчисига айланади ва футболчи «Юве» билан 4 йиллик шартномани имзолайди. «Скй Спорт» сайти журналисти Фабрицио Рамано ўз инстаграм саҳифасида бу трансфер тез кунларда эълон қилиниши айтиб ўтди. Агарда бу трансфер амалга ошадиган бўлса, «Ювентус» ўз майдон марказини янада кучайтириб олиши мумкин.
Дани Алвез дунё кезишда давом этади
«ПСЖ» клубининг собиқ футболчиси Дани Алвез ўз кариерасини АПЛда давом эттиришни истамоқда. Ҳозирда унинг ҳизматлари билан бир нечта АПЛ клублари қизиқаётган бўлсада, футболчининг ўзи «Манчестер Сити» клубида тўп суришни истамоқда.
Бундан ташқари бразилиялик футболчига Италиянинг «Интер» клубидан ҳам расмий таклиф келиб тушган. Дани Алвез агарда «Ман Сити»дан таклиф тушмаса, бошқа клубга ўтмоқчи эканлигини ва Гвардиола билан ишлаш нийяти борлигини ўз ижтимоий тармоқларида баён қилди. Ҳозирча футболчи бор эътиборини «Копа Америка» мусобақасига қаратган, келажаги борасидаги барча саволларга турнирдан сўнг жавоб бермоқчи.
