Халқаро чемпионлар кубоги мусобақаси доирасида «Ювентус» ва «Тоттенхэм» клублари Сингапурда тўқнаш келишди. Гоолларга бой бўлган ўйинда "шпорлар" сўнгги сонияларда ғалабани илиб кетишди.

Баҳснинг 30-дақиқасида лондонликлар Ламеланинг голи эвазига ҳисобни очишган бўлса, иккинчи бўлим бошида Игуаин ва Роналдунинг голлари "Юве"ни ҳисобда олдинга олиб чиқди.

Кўп ўтмасдан Лукас Моура мувозанатни тиклаган бўлса, ўйинга қўшиб берилган дақиқаларда Харри Кейн "Тоттенхэм"га ғалаба келтирувчи гол муаллифига айланди.

International Champions Cup
Ювентус Италия – Тоттенхэм Англия 2:3 (0:1, 2:2)
Голлар: 0:1 – 30 Ламела, 1:1 – 56 Игуаин, 2:1 – 60 Роналду, 2:2 – 65 Лукас Моура, 2:3 – 90 Кейн.
Ювентус – Буффон (Шченсни, 46), Ругани (Демирал, 46), Де Шильо, Бонуччи (де Лигт, 63), Жоау Канселу, Матюиди (Кастанос, 76), Джан (Рабьо, 46), Пьянич (Мураторе, 76), Бернардески, Манжукич (Игуаин, 46), Роналду (Матеус Перейра, 63).
Тоттенхэм – Гассанига, Танганга (Вертонген, 46), Уокер-Питерс (Марш, 71), Алдервейрелд (Фойт, 46), Скипп (Боуден, 90), Георгиу (Уайт, 71), Алли (Сиссоко, 46), Ламела (Ндомбеле, 63), Уинкс (Роулз, 63), Пэрротт (Кейн, 46), Сон Хеунг Мин (Лукас Моура, 46).
Огоҳлантириш: Пэрротт (44).