«Манчестер Сити» ярим ҳимоячиси Лерой Саненинг ўнг тиззаси бўғими жароҳатланганини клуб расман тасдиқлади.
23 ёшли футболчи 4 август куни бўлиб ўтган «Ливерпуль»га қарши Англия суперкубоги баҳсида (1:1, 5:4 – пенальтилар бўйича) жароҳат олиб, майдонни тарк этган эди.
Германиялик футболчи келаси ҳафтада операция қилинади. Сане тўлиқ тикланиши учун қанча вақт талаб этилиши ҳақида ҳозирча аниқ маълумот берилмаяпти.
Футболчига «Бавария» клуби жиддий қизиқиш билдираётган эди. Мюнхенликлар энди бу трансфердан воз кечишидами ёки йўқ, буниси номаълум.