La Gazzetta dello Sport хабарига кўра, "Рома" ҳужумчиси Эдин Жеко "Интер" футболчисига айланиши мумкин.
"Нерадзурри"лар босниялик футболчи билан келаси ҳафта шартнома имзолашни режалаштирмоқда. Футболчининг тахминий трансфер қиймати 20 млн еврони ташкил қилади.
Аввалроқ, Жеко Рим клубида қолишни истамаётгани ҳақида хабарлар тарқалган эди.
Маълумот ўрнида, ўтган мавсумда 33 ёшли ҳужумчи "А" Серияда 33 та ўйинида майдонга тушиб, 9 та гол ва 7 та голлик узатма амалга оширган.