Франциялик футболчи Каталония клубидаги келажаги ҳақида фикр билдириб ўтди.
"Барселона"нинг янги футболчиси Антуан Гризманн жамоа сафидаги ўзининг биринчи голидан сўнг фикрлари билан ўртоқлашди.
" «Барселона» сафида биринчи голимни урганимдан жуда хурсандман. Умид қиламанки, бу келажакда урилган кўплаб голлардан биринчиси. Қўллаб-қувватлаганингиз учун барчангизга раҳмат. Мен жамоага ёрдам беришни жуда хоҳлайман ва келгуси ўйинларда ёрдам бераман деган умиддаман. Мен янги талаб ва шартларга кўникишга ҳаракат қиламан" - деб aйтиб ўтди.
Эслатиб ўтамиз, бугун тунда "Барселона" "Наполи" билан ўртоқлик учрашувида 4:0 ҳисобида ғалаба қозонди.
