Баварияликлар Исландия терма жамоа ҳужумчиси билан шартномани узайтирдилар.
Альфред Финнбогасон "Аугсбург" билан шартномани 2022-йилнинг 30-июнгача узайтирди, деб хабар беради клуб расмий сайти.
30 ёшли ҳужумчини "Аугсбург" сафига 2016-йилнинг ёзида "Реал Сосьедад"дан 4 млн евро эвазига сотиб олинган эди.
Эслатиб ўтамиз, аввал исландиялик футболчи "Локерен", "Хельсингборг", "Херенвэн" ва "Олимпиакос" жамоаларида ҳам тўп сурган.
Маълумот ўрнида, ўтган мавсумда Финнбогасон Бундеслигада 18 та ўйинда майдонга тушиб, 10 та гол ва 2 та голлик узатма амалга оширган.
