Англия терма жамоасининг собиқ ҳимоячиси Эшли Коул 38 ёшида футболчилик фаолиятини якунлади.

Лондоннинг "Арсенал", "Кристал Пэлас", "Челси", "Рома", "Лос-Анжелес Гэлакси" ва "Дерби Каунти" жамоаларида ўйнаган Эшли Коул истеъфога чиқишини маълум қилди.

Маълумот учун, ҳимоячи АПЛда 384 та ўйинда 15 та гол, Чемпионлар Лигасида 109 та ўйинда 1 та гол урган ва Англия терма жамоасида 107 та ўйин ўтказган.

Коул уч марта Англия чемпионлигини, бир маротабадан - Чемпионлар Лигаси, Европа Лигаси ва Англия лига кубогини, 7 марта Англия кубогини, 6 марта мамлакат Суперкубогини қўлга киритган.