Бельгияда "Андерлехт" жамоасининг собиқ бош менежери Херман ван Хольсбек ҳибсга олинган, деб хабар беради Het Nieuwsblad.
64 ёшли ван Хольсбек ўтган ҳафта Монако ва Лондонда ўтказилган қидирувлардан сўнг ҳибсга олинган. Уларнинг натижаларига кўра "Реал" ҳамда Бельгия терма жамоа дарвозабони Тибо Куртуанинг агенти Кристоф Хенротай ҳам ҳибсга олинган.
Белгия ҳуқуқ-тартибот идоралари ходимлари пулларни ноқонунийлаштириш ва футболчиларнинг трансферларини расмийлаштиришда коррупция ҳолатлари бўйича тергов олиб боришмоқда. Шу муносабат билан, шу йилнинг апрел ойида "Андерлехт" ва Белгия футбол ассоциациясининг идораларида тинтувлар ўтказилди.
Маълумот ўрнида, ван Хольсбек 2003-йилнинг июнидан 2018-йилнинг апрелигача Брюссель клубининг бош менежери эди. Бунгача у тўрт йил давомида "Льерс" жамоасида иш олиб борган эди.
