Европа чемпионлар лигасида "ўлим гуруҳи" номини олган "H" гуруҳида "гўшт" бўлиши кутилган Чехиянинг "Славия" клуби илк турда сафардан очко билан қайтишга муваффақ бўлди.

Италиянинг "Интер" клуби фаворитга хос равишда ташаббусни ўз қўлига олди. Чехлар эса сабр билан ҳимояланишда, баъзи вазиятларда дарвозабон Коларж маҳорат кўрсатишига тўғри келди.

Иккинчи бўлим ўрталарига келиб эса "Славия" ҳисобни очишга муваффақ бўлди. Олис масофадан йўлланган зарба натижасида Ханданович тўпни қўлидан чиқариб юборди. Олайинка дарвозани ишғол қилди.

"Интер" эса қўшиб берилган дақиқаларда ҳисобни тенглаштирди. Сенси жарима зарбасидан дарвоза тўсинини нишонга олди. Қайтган тўпни эса Барелла дарвозага жойлаб қўйди.

Шу тариқа, Конте шогирдлари дастлабки турда 2 очко йўқотишган бўлса, "Славия" 1 очко билан ортга қайтди.

"F" гуруҳи, 1-тур
Интер Италия – Славия Чехия 1:1 (0:0, 1:1)
Голлар: 0:1 – 63 Олайинка, 1:1 – 90 Барелла.
Интер – Ханданович, Шкриньяр, де Врей, Д`Амброзио, Асамоа, Сенси, Брозович (Барелла, 71), Гальярдини, Кандрева (Лазаро, 49), Мартинес (Политано, 72), Лукаку.
Славия – Коларж, Кудела, Цоуфал, Говорка, Боржил, Масопуст (Юсуф, 79), Соучек, Станчу, Траоре (Зелени, 60), Гушбауэр, Олайинка (Провод, 85).
Огоҳлантиришлар: Говорка (40), Асамоа (54), Мартинес (66), Политано (83), Соучек (90).