Қозоғистоннинг Нур-Султан шаҳрида спорт курашлари бўйича жаҳон чемпионатининг навбатдаги кун дастури давом этмоқда. Хабар берганимиздек, бугунги кун дастурида 3 нафар курашчимиз баҳс олиб бормоқда.
Қувонарлиси, полвонларимиз ҳозиргача муваффақиятли иштирок этишяпти. Ихтиёр Наврўзов (-70 кг), Бекзод Абдураҳмонов (-74 кг) ва Ҳасанбой Раҳимов (-125 кг) икки мартадан зафар қучиб бўлишди.
-70 кг:
Саралаш: Ихтиёр Наврўзов – Каран Каран (Ҳиндистон) 7:0
1/8 финал: Ихтиёр Наврўзов – Али Умарпашаев (Болгария) 7:6
¼ финал: Ихтиёр Наврўзов – Давид Баев (Россия)
-74 кг:
Саралаш: Бекзод Абдураҳмонов – Франклин Гомес (Пуэрто-Рико) 4:0
1/8 финал: Бекзод Абдураҳмонов – Еандри Кабальеро (Куба) 10:6
¼ финал: Бекзод Абдураҳмонов – Ҳожимурод Гаджиев (Озарбайжон)
-125 кг:
Саралаш: Ҳасанбой Раҳимов – Луис Фелипе Урбанеха (Венесуэла) 10:0
1/8 финал: Ҳасанбой Раҳимов – Даниель Лигети (Венгрия) 5:0
¼ финал: Ҳасанбой Раҳимов – Таха Акгул (Туркия) / Александр Романов (Молдова)
Эслатиб ўтамиз, Бекзод Абдураҳмонов ва Ҳасанбой Раҳимов иштирок этаётган вазн Олимпия ўйинлари дастурига киритилган. Вакилларимиз камида ярим финалга чиқа олишса, Токио Олимпиадаси йўлланмасини нақд қилиб қўйишади.