Тошкентнинг «Пахтакор» клуби грузиялик бош мураббийи Шота Арвеладзе жамоа сафини юлдуз ҳужумчи билан тўлдириши ниятида. Бу ҳақда у YouTube‘даги «Alter Ego» каналига берган интервьюсида маълум қилган.
«Яқинда Эммануэль Адебайорни жамоага таклиф қилгандик. Унинг трансфери амалга ошишга жуда яқин қолганди. Аммо якунда у турк клубини танлади.
Умуман дарвозабон ёки ҳимоячи олишнинг фойдаси йўқ. Менга қолса «Пахтакор»га Роберт Левандовски, Златан Ибраҳимович ёки Антуан Гризмандек кучли ҳужумчиларни олиб келган бўлардим», дея гапириб ўтган Арвеладзе.
