Андре Виллаш-Боаш "Марсель"нинг молиявий аҳволини ёмон эканлигини айтди, аммо шу билан бирга у жамоани тарк этиш ниятида эмаслигига ишонтирди - RМC Sport хабарида.
"Бизнинг асосий муаммоимиз - жамоамизнинг молиявий аҳволи ёмонлигида. Умид қиламанки, бу вақтинчалик қийинчиликлар ва мени жуда илиқ кутиб олган жамоадан кетмоқчи эмасман", - деди "Марсель" бош мураббийи France 3 Provence-Alpes-Cote d'Azurга берган интервюсида.
Шунингдек, 41 ёшли мутахассис ўзининг келажакдаги режалари ҳақида гапириб берди: "Мен мураббийликнинг ўн йиллигини ортда қолдирдим. Умуман олганда, 15 йил давомида мураббийлик қилишни режалаштирганман, ҳали менда яна 5 йил бор. Кейинчалик менда "Порту" президенти бўлиш истаги бор".
