Англия терма жамоаси собиқ бош мураббийи Свен-Ёран Эрикссон Россиялик бизнесмен Роман Абрамович Лондоннинг “Челси” клуби ўрнига Москванинг “Динамо” жамоасини сотиб олиши мумкинлиги ҳақида маълумот берди, дея хабар бермоқда РИА Новости.
2003 йилнинг июнь ойида россиялик бизнесмен Роман Абрамович бир компанияни сотиб олади. У компанияга эса бир футбол клуби тегишли бўлади.
«У (Абрамович-муаллиф) Москванинг бирор бир клубини сотиб олмоқчи эди. Шу боис биз Москвага йўл олдик. Биз бу — мен, Абрамовчи ва Пини Захави. Биз Москванинг барча клубларини кўздан кечирдик ва мен Абрамовичга “Динамо”ни сотиб олишни маслаҳат берди. Чунки, “Динамо”даги шароитлар яхши эди... Кейин мен таътилга йўл олдим ва менга Абрамовичнинг “ўнг қўли” қўнғироқ қилди: “Роман барибир Лондон клубини сотиб олишини айтди” деди. Булар “Челси” ёки “Тоттенхэм” эди”, — Эрикссоннинг сўзларидан иқтибос келтирмоқда The Times.
71 ёшли швейциялик мутахассис Абрамовичнинг ёрдамчиси билан бўлган суҳбатда «Челси» клубини сотиб олиш кераклигини ва шу клуб орқали совринларни қўлга киритиш мумкинлиги ҳақида маслаҳат берган. «Чунки, “Челси”нинг ўша пайтдаги ярим таркибини, “Тоттенхэм”нинг эса бутун таркибини алмаштириш керак», — деб маслаҳат берган Эрикссон.
Бироз аввал ОАВ орқали Абрамович ўша пайтда “Тоттенхэм” клубини сотиб олишни ўйлаганини, ҳаттоки, музокара олиб боргани ҳам эълон қилинганди.
