Англиянинг "Тоттенхэм" клуби ҳужумчиси Харри Кейн "Црвена Звезда" (5:0) устидан қозонилган ғалабадан кейин жамоасини узоқ йўл кутиб турганини айтиб ўтди.

"Биздан нима талаб қилинган бўлса, барчасини амалга оширдик. Тушунаман, ортимизда кўнгилсиз натижалан қолди, бироқ, бугун ажойиб тарзда тайёрландик. Биз ўйинни олдинга кўчиришни ва рақибга прессинг уюштиришни режалаштиргандик. Албатта, тезкор гол киритишимиз шарт эди. Биз рақиб дарвозаси олдида ўзимизни эркин тутиб, ўз дарвозамиз даҳлсизлигини сақлашимиз керак эди.

асосийси ғалаба қозондик. 5:0 – бу жуда яхши. Лекин олдимизда узоқ йўл турибди. Масалан, олдимизда мавсумда ажойиб тарзда бошлаган "Ливерпуль" билан баҳс кутиб турибди. Бироқ, умид қиламики, у ерда ҳам ғалаба қозона оламиз", - футболчининг сўзларидан иқтибос келтиомлқда УЕФА расмий сайти.