Каталониянинг «Барселона» клуби собиқ ҳужумчиси Ривалдо жамоанинг жорий йилдаги ҳужум чизиғига баҳо берди

— «Барса»нинг Месси, Луис Суарес ва Гризманнларнинг ташкил этган триоси яхши белги бермоқда, улар келажакда жамоа учун фойда олиб келиши мумкин. Аммо, бу учлик Неймар давридаги фойдани келтиришига ишонмаяпман.

Неймар — кўп пас оширади, кўп гол уради, керак бўлса, ўйин назоратини ўз қўлига ола билади, у ажойиб футболчи. Бу фаолликлар Гризманнда йўқ. Антуан ҳали янги жамоанинг муҳитига ўрганиб кета олмади, — деди Ривалдо.

Антуан Гризманн жорий мавсумда “Барселона” таркибида 8 та учрашувда майдонга тушиб, 4 та гол киритиш билан бир қаторда 4 та голга ҳаммуаллифлик қилди.