Мюнхеннинг "Бавария" клуби бош мураббийи Нико Ковач 9-тур доирасида "Унион Берлин" жамоасига қарши бўладиган учрашув ҳақидаги фикрлари билан ўртоқлашди.
"Рақиб жуда яхши ҳимояланишини, ўз майдонлари тарафда бехато ўйнашга ҳаракат қилишини кутяпмиз. Ечим топиш учун кўп ҳаракат қилишимизга тўғри келади. Оддий вазиятларда тўпни йўқотмаслигимиз керак. Эҳтимол, биз сабрли бўлишимиз керакдир, бироқ, биз дастлабки дақиқаларданоқ ғалаба қозониш учун майдонга тушганимизни исботлашимиз керак", - Ковачнинг сўзларидан иқтибос келтирмоқда "Бавария" клуби расмий сайти.