«Матч ТВ» шарҳловчиси Константин Генич РПЛнинг 14-тур доирасида бўлиб ўтадиган «Локомотив» ҳамда  «Спартак» жамоалари ўртасидаги учрашувдан олдинги фикрлари билан ўртоқлашди.

— “Локомотив”га қарши очиқ ўйнаш мумкинмаслигини Тедеско ҳам жуда яхши тушуниб турибди. “Спартак”нинг турнир жадвалига аҳволи қанчалик аянчли бўлмасин,уларнинг асосий вазифаси очко олиш эканлигини Тедеско ҳам айтиб ўтган. Очкони яхши ҳимоя эвазига қўлга киритиш мумкин. Агар «Спартак» «Рубин»га қарши ўйнагандек ўйнайдиган бўлса, у ҳолда «Локомотив» уларни жазолайди. «Локомотив» ҳозир ўз ўйинини топиб олган, уларнинг аҳволи анча яхши.Ҳаттоки “Ювентус”дек жамоага Туринда мағлуб бўлиши уларга қўшимча куч бағишлайди. Шу боисдан улар “Юве”га қарши ўйиндан сўнг: «Биз барчасини қилдик, лекин қаршимизда юқори савиялик рақиб эди»  дейишди — деди телеканал матбуот хизматига.