Англиянинг «Манчестер Юнайтед» клуби Мадриднинг “Реал” клуби футболчиси Гарет Бэйл билан шартнома имзолашни кейинроққа қолдирди. Бунга сабаб қилиб, футболчининг тез-тез жароҳат олиши кўрсатилмоқда.
«Реал» 30 ёшли Бэйлни январь ойида сотиб юборишга рози. Сабаби, мадридликлар тезроқ Поль Погбани қўлга киритишга ҳаракат қилмоқда.
Бироқ, «Юнайтед»нинг сўнгги пайтларда Алексис Санчес ва Бастиан Швайнштайгер каби тажрибали футболчиларнинг омадсиз трансферлари Бэйл борасида шошилмасликка ундади.
Бэйл “Реал” футболчисига айланганидан бери 21 маротаба турли хил жароҳатлар олди.
Жорий мавсумда у етти учрашувда майдонга тушди.
