"Наполи" бош мураббийи Карло Анчелотти Италия чемпионатининг битта ўйинига дисквалификация қилинди. Бу ҳақда А серия тартиб-интизом қўмитаси қарор чиқарди.
"Аталанта"га қарши ўйиннинг (2:2) сўнгги дақиқаларида неаполликлар фойдасига пенальти белгиланмагани Анчелоттига ёқмади. Ўша паллада италиялик мутахассис техник ҳудудни тарк этиб, бош ҳакам Пьеро Жакомели томон бақира бошлади. Рефери ушбу воқеани ўз ҳисоботида акс эттирди.
Шу тариқа, Карло Анчелотти "Рома"га қарши бўлиб ўтадиган А сериянинг навбатдаги тур баҳсида жамоани захира ўриндиғидан бошқара олмайди.