Мюнхеннинг "Бавария" клуби вақтинча бош мураббийи Ханс-Дитер Флик "Олимпиакос" (2:0) устидан қозонилган ғалабадан кейинги фикрлари билан ўртоқлашди.
"Ўйиндан жуда мамнунман. Жамоа қийин вазиятга тушиб қолганди. Бироқ, биз бугун машғулотлардаги барча амалга оширган ишларимизни бугунги ўйинда кўрсатиб бера олдик. Бир нечта ҳимояларимиз таркибимизда йўқ. Эрнандес ва Зюлелар жароҳат олишган, Боатенг дисквалифицияга учраган. Шу боис, бугун майдонга тушган тўрт ҳимоячи бир бирлари билан тил топишишга мажбур эди. Ўйлайманки, ҳимоячилар бу ишни амалга ошира олишди", - Фликнинг сўзларидан иқтибос келтирмоқда УЕФА расмий сайти.