Кипрнинг АПОЭЛ клуби бош мураббийи Томас Долль Европа Лигаси доирасида Озарбайжоннинг «Қорабоғ» клубига қарши бўлиб ўтадиган учрашувдан олдинга фикрлари билан ўртоқлашди.
«Ўзимизни жуда яхши ҳис қиляпмиз. «Қорабоғ» жамоасига қарши биринчи учрашувда жамоамиз яхши формада бўлмаган эди. Бир қатор муаммоларимиз бор эди. Бироқ, Бакуда бўлиб ўтган учрашувда кўрсатган иродаси менга ёқди. Бизга уч очко муҳим. Бугунги бўладиган баҳс жуда муҳимлигини йигитлар яхши билишади. Бундай ўйинлар юқори концентрацияни талаб қилади. Гол уриш учун имкониятимиз бўлади, бироқ, биздан юқори эҳтиёткорлик талаб этилади. Бу сафар ҳаммаси бошқача бўлади, чунки севимли мухлисларимиз кўз ўнгида ўйнаймиз. Ақл билан ўйнашимиз ва рақибга қарши ҳужумга ўтишига имкон бермаслигимиз керак. Бундай ўйинларда иштирок этишда шогирдларимда етарлича тажриба бор. Ўз формасида бўлмаган футболчиларим бор, аммо бошқа вариантларим ҳам кўп», - деди Долль azerisport.com сайтига берган интервьюсида.