Лондоннинг “Тоттенхэм” клуби футболчиси Сон Хин Мин ЕЧЛ доирасида “Црвена Звезда” устидан қозонилган учрашувда гол урди ва камера қаршисига келиб Андре Гомешни тезроқ соғайиб кетишини тилаб, голни унга бағишлади.
Эслатиб ўтамиз, “Тоттенхэм” “Эвертон”га қарши учрашувда Жанубий Кореялик футболчининг Гомеш билан тўқнашиб кетиши натижасида, португалиялик футболчининг оёғи синган эди ва ўша вазиятдан сўнг Сон шок ҳолатига тушиб қолганди.