Кириш Регистрация
16/11 00:45 Швейцария 1-0 Грузия
16/11 00:45 Дания 6-0 Гибралтар
16/11 00:45 Испания 7-0 Мальта
16/11 00:45 Руминия 0-2 Швеция
16/11 00:45 Босния-Герцеговина 0-3 Италия
16/11 19:00 Кипр 1-2 Шотландия
16/11 22:00 Озарбойжон 0-2 Уэльс
16/11 22:00 Словения 1-0 Латвия
16/11 22:00 Россия 1-4 Бельгия
16/11 22:00 Сан-Марино 1-3 Қозоғистон
17/11 00:45 Шим. Ирландия - Голландия
17/11 00:45 Германия - Беларусь
17/11 00:45 Хорватия - Словакия
17/11 00:45 Австрия - Македония
17/11 00:45 Исроил - Польша

Хабарлар

Янги лойиҳа: “Реал”нинг асосий таркиби қандай бўлиши керак?

Баҳо:
+ | -

Криштиану Роналду кетганидан кейин кучсизлангани айтилаётган “Реал”да айни дамда бошқа муаммолар ҳам талайгина. Зинедин Зидан ҳар бир мусобақада ғолиб чиқа оладиган барқарор асосий таркиб топа олмаяпти, шу боисдан ҳозир ана шу таркибни ўзи шакллантиряпти. Аслида, айни дамда Мадрид клубида ўз соҳасининг устаси бўлган 11 та футболчини топиш мушкул.

Бугундан янги лойиҳага қўл урдик. Унда таркибида муаммолар мавжуд бўлган жамоанинг асосий таркибини тузиб кўрамиз. Бунда клубнинг тактикаси инобатга олинади ва ана шу тактикага мос келадиган футболчилар танланади. Хўш, “Реал”нинг асосий таркиби қандай бўлиши керак?

Дарвозада — Давид Де Хеа

Гарчи охирги ўйинларда бироз яхшироқ ўйнаётган бўлса-да, Куртуа “Реал” даражасига мослаша олмайдигандек кўриняпти. У “қироллик клуби”даги босимни енгишда қийналмоқда. Шу боис унинг ўрнига Давид Де Хеа айни дамда энг муносиб номзод ҳисобланади. Де Хеа нисбатан ёш, тезкор, реакцияси кучли.

Ҳимоя. Ҳимояда Карвахаль, Рамос, Варан, Марсело

Айни дамда ушбу тўртлик мустаҳкам ҳимоя чизиғини ташкил эта олишади. Агар кимнидир олиб келиш керак бўлса, мен ван Дейкни тавсия қилган бўлардим. Чунки “Реал”га бўйи узун ҳимоячи зарар қилмайди.

Ярим ҳимоя. Марказий ярим ҳимояда менда “Реал”боп футболчи бор, бу — Канте. Франциялик футболчининг тўп билан муомаласи менга жуда ёқади. Охиригача курашади, тўпни рақибдан олиб қўяди ва тезда олдинга ташланади. Очиқ турган футболчини топа олса, тўп билан таъминлайди, топа олмаса, фарқи йўқ ўзи ҳам рақиб жарима майдонига кириб бораверади. Каземиро ҳам ёмон футболчи эмас, аммо у Нголо каби тезкор эмас.

Қанотда эса Де Брюйне номзоди маъқулроқ. Охирги ўйинларда бу футболчи шу қадар аниқ узатмаларни амалга оширяптики, ҳайрон қоласан киши. Кевин де Брюйне анча ақлли футбол намойиш этяпти.

Ҳужум. Айни дамда “Реал”нинг ислоҳотга энг муҳтож қисми — ҳужум чизиғи. Гарчи Роналду кетгач, ҳужумчи ва ҳужумкор футболчилар харид қилинган, клубда яққол ҳужумчилар бор эса-да, ҳеч бири марказий ҳужумчи ролини қойиллатаётгани йўқ. На Карим Бензема, на Лука Йович. “Қироллик клуби”нинг ҳужум учлиги қандай бўлиши керак. Ҳозирги таркибдан Азар ва Родриго қолади. Азар сал озиб, формага кирса, яна аввалги ўйинларини кўрсата олади. Родриго эса туғма иқтидори ва ҳозирги ўйинлари билан асосий таркибга киришга лойиқ.

Бензема “Реал”да 10 йилдан бери ўйнаётган бўлса-да, ҳамон мухлислар ишончини қозона олгани йўқ. Бундан кейин ҳам марказий ҳужумчи сифатида ишончни оқлай олишига ишониш қийин. “Реал”га ҳар бир ўйинда ва ҳар қандай ҳолатда ҳужумчига мос равишда ҳаракат қила оладиган футболчи керак. Номзод ким? Шак-шубҳасиз, Мбаппе. Килианда ҳамма нарса бор, тезлик, зарба, совуққонлик. Қолаверса, ҳали ёш, ғалабага, совринларга ўч. Демакки, “Реал”га у, унга “Реал” керак.

Демак, “Реал”нинг якуний таркиби қуйидагича кўринишда бўлади: Давид Де Хеа — Карвахаль, Рамос, Варан, Марсело — Канте, де Брюйне, Кроос — Азар, Мбаппе, Родриго.

Хўш, сизнинг вариантингиз қандай? Агар “Реал”га бош мураббий бўлганингизда, қандай таркибни шакллантирган бўлардингиз? Сиз “Реал”да қайси футболчилар ўйнаши керак, деб ҳисоблайсиз?

Низомжон ИСЛОМОВ

Манба: stadion.uz
Киритилди: 21:10, 08.11.2019.
Ўқилди: 8134 марта.
Фикрлар: 8 та.

Бўлимга тегишли қизиқарли хабарлар

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.