Туриннинг “Ювентус” клуби Гонсало Игуаин билан шартномани узайтириш ниятида.

Бу ҳақда “Ювентус” клуби спорт директори Фабио Паратичи айтиб ўтди.

«Игуаин жуда яхши ўйнамоқда. Менинг фикримча, у дунёнинг энг яхши ҳужумчиларидан бири. У биз кутмаган ишларни амалга оширмоқда. Гонсало ажойиб йигит ва яхши футболчи. Унинг ўйинларидан қониқяпмиз. Ёзда унга жуда кўплаб таклифлар бўлди. У жамоада қолиш ниятида эканлигини бир неча маротаба айтди. Ўтган мавсум аввалида “Милан”га ижарага бериб юбораётган пайтимизда у “Ювентус”га қайтиш ҳақида сезаётганини айтиб ўтганди. Шу боис уни ижарага беришга рози бўлгандик. Биз у билан ҳали янги шартнома имзоламадик, лекин шартномани узайтиришга яқин турибмиз», – Паратичининг сўзларидан иқтибос келтирмоқда Sky Sport Italia.