«Ростов» ва Ўзбекистон терма жамоаси ҳужумчиси Элдор Шомуродов фаолиятини Туркия чемпионатида давом эттириши мумкин.
«Ростов» клубидаги молиявий муаммолар сабабли, жамоа ўз тўпурари Элдор Шомуродовни трансферга қўйиши мумкинлиги ҳақидаги хабарлар тарқалган эди.
Туркиянинг "Hurriyet" нашрининг хабар беришича, жорий мавсумда ҳужумчига ёлчимаётган «Галатасарой» клуби Элдор Шомуродовга қизиқиш билдирмоқда. Клуб мавсум бошида ўз сафига қўшиб олган икки ҳужумчи – колумбиялик Радамель Фалькао ва руминиялик Флорин Андоненинг ўйинидан қониқмаяпти. Туркия Суперлигасининг амалдаги чемпиони Ўзбекистон терма жамоаси ҳужумчисини қишки трансфер ойнасида қўшиб олмоқчи.
Маълумот учун, Фалькао мавсум бошидан буён 5 ўйинда бор йўғи 1 та гол урган.
Эслатиб ўтамиз, олдинроқ ЦСКА Шомуродов учун 5 миллион таклиф этаётгани ҳақида хабар чиққан бўлса, кўп ўтмай «Советский Спорт» нашри Шомуродов учун курашда «Зенит» фаворит эканлиги ҳақида ёзганди.
