Италиянинг "Наполи" клуби бош мураббийи Карло Анчелотти ЕЧЛ доирасида "Ливерпуль" клубига қарши бўлиб ўтадиган матбуот анжуманида иштирок этди.

"Қизиқарли давр энди бошланмоқда, гуруҳдан чиқишимиз учун иккита учрашувда ғалаба қозонишимиз керак, шу ўйинларнинг бири бугун “Ливерпуль”га қарши бўлади. Қийин бўлиши билан бир қатор қизиқарли ўйин бўлишини тахмин қиляпман. Буюк теннисчилар баҳсни биринчи матчбол билан якунланди. Биз ҳам теннисчилардек йўл тутмоқчимиз, жамоамиз бўлажак учрашувга жиддий тайёргарлик кўрди ва рақибни синчковлик билан ўрганиб чиқдик. Ички чемпионатда яхши ўйин намойиш эта олмаётганимизни тушуниб турибмиз, лекин хатоларни бартараф қилиш устида ишлаяпмиз. Қолаверса, биз ушбу мавсум олдидаги биринчи вазифамизни бажаришимиз учун маъсулият билан тайёргарлик кўряпмиз.

“Ливерпуль” клубига қарши яхши ўйин намойиш этишга ҳаракат қилиб кўрамиз. Қайтариб айтаман, бу баҳс қийин ва қизиқарли кечади. Барча қўрқувларни уйга ташлаб келдик. Биз жасорат билан ўйнашни, ирода кўрсатишни ва ғалаба қозонишни амалда исботламоқчимиз", - Анчелоттининг сўзларидан иқтибос келтирмоқда УЕФА расмий сайти.